WILLEMSTAD.- Asuntunan Públiko (Kranshi), ofisina di reibeweis (Sta. Rosa), Lokèt di Pèrmit i Servisio di Atmishon (Imigrashon) di Ministerionan di Gobernashon, Planifikashon i Servisio Públiko (BPD) i tambe ministerio di Hustisia ta informá ku nan lo ta será riba djabièrnè dia 3 di yanüari 2025.
Dia 3 di yanüari 2025, e 3 departamentonan akí lo no ta disponibel pa por duna servisionan na públiko. E balinan di imigrashon ku ta situá den mes edifisio ku Lokèt di pèrmit na Saliña tambe lo ta será pa públiko. Solamente 3 servisio na Kranshi ta sigui normal riba e dia akí.
Nan ta: registrashon di nasementu, registrashon di fayesimentu, kita nòmber for di registro.
Tur e 3 departamentunan, Kranshi, Reibeweis (Sta. Rosa), Lokèt di Pèrmit i Servisio di Atmishon lo habri bèk djaluna dia 6 di yanüari 2025, pa sigui duna nan servisionan.
Ta keda konta ku komprenshon di klientenan i ta sigui sirbi komunidat na e manera kustumbrá den e aña nobo tambe. Pa mas informashon por tuma kontakto ku Lokèt di Pèrmit, departamentu Bentana di Informashon na number di telefòn: 433-3123.
