WILLEMSTAD.- Siman pasa, 21 i 22 di desèmber, grupo di baile ‘Krea Dansa’ i ‘Krea Dansa for Kids’, bou di direkshon di e konosido bailarin, Dennis Puriël, a tene nan tradishonal show di fin di aña den sala di PWFC.
Pa di 11 aña ku e grupo ta duna hóbennan for di un edat yòn un plataforma pa demostrá nan talento, no importando rasa, religion i nivel. E aña aki no tabata un eksepshon. Krea Dansa por mira bèk riba un wikènt fruktífero kaminda públiko por a disfrutá di un show na nivel.
Krea Dansa ta yama danki na tur mayor ku a duna nan aporte i tambe na Ishair Monte Foundation i PWFC ku a kere den e proyekto.
