ALBUQUERQUE, NEW MEXICO, MERKA, AP.- E kresementu di e pueblo hispániko na Merka, a desaselerá konsiderablemente durante último shete añanan. Asina un estudio a indiká djaweps.
Un investigashon di e Sentro Pew di Investigashon, kual a analisá datonan di e Ofisina di Senso di Departamento di Komersio, a konkluí ku e pueblo latino den Merka a krese anualmente ku un promedio di 2,8% entre 2007 i 2014.
Esei ta ménos ku e kresementu anual di 4,4% di 2000 pa 2007, promé ku e Gran reseshon. E pueblo asiátiko merikano a krese mas o ménos ku 3,4% den promedio anual durante e mesun periodo. William H. Frey, un demografia di e Programa di Polítika Metropolitano di Institushon Brookings, a señalá ku e kresementu abou di e pueblo ta konsekuensia di e ekonomia. Un bahada den ekonomia ta e kousa ku famianan no kier mas yu.
