Simmons ta trompeká riba trapi di dugout i leshoná.
Andrelton Simmons (Angels) a risibí un base por bola i despues a bandoná wega. Promé ku wega Simmons a trompeká bahando for di trapi den dugout i bira su ènkel. E la trata di hunga tòg riba esaki pero despues di a risibi base por bola i purba kore riba e ènkel despues pero no tabata por a sigui den wega. Awe lo tin mas klaridat riba e leshon di Simmons.
https://www.mlb.com/news/andrelton-simmons-departs-with-ankle-injury/c-279981752
Jurickson Profar (Rangers) a bai di 3-1 ku su di 4 honron di temporada. E tabatin dos kareda empuhá i un anotá. El a risibí un base por bola tambe.
Didi Gregorius (Yankees) a bai di 2-0 ku dos kareda anotá. El a risibí un base por bola i roba su di 8 base di temporada. https://www.mlb.com/yankees/video/gregorius-strong-throw-to-first/c-2121185483
Xander Bogaerts (Red Sox) a bai di 3-1 ku su di 9 honron di temporada. E tabatin un kareda empuhá, otro anotá i a risibí un base por bola.
Jonathan Schoop (Orioles) a bai di 4-1 ayera.
Ozhaino Albies (Braves) a bai di 5-1 ku un kareda anotá. Su bataso tabata e di 18 doblete di temporada.
Kenley Jansen (Dodgers) no a mira akshon ayera.
Lupa riba Liga Menor
Juremi Profar (Frisco Roughriders, afiliashon Doble A di Texas Rangers) a bai di 4-1 ku un kareda empuhá.
Play of the day
Na Hapon
Coco Balentien (Yakult Swallows) a bai di 5-3 ku su di 14 honron di temporada. El a empuhá un kareda.
Na Taiwan
Roger Bernadina (Kia Tigers) a bai di 5-3 ku su di 8 doblete di temporada. El a anotá dos kareda i empuhá unu.
