ATLANTA.- Ozhaino Albies ayera a bai di 4-2 ku un kareda anotá i un otro empuhá. El a subi su promedio awor na nèt 270 ku 31 honron i 99 kareda empuhá. Tabata di dos wega sigui ku Ozhaino a bai di 4-2 pa Braves, miéntras ku e ta serando temporada riba bon forma. Den último shete wega e tin un promedio di 387 ku 2 honron i 6 kareda empuhá. Yegando 100 kareda empuhá e temporada aki Ozhaino lo bira asina e promé segunda base for di despues di Alfonso Soriano, pa por tin múltiple temporada di 30 honron òf mas i 100 kareda empuhá òf mas.
Xander Bogaerts (San Diego Padres)
Un dia despues di a dal un “walk-off” honron. Xander Bogaerts ta sigui dal e bala duru. Ayera el a bai di 4-3 ku 1 kareda anotá. Xander último 15 wega tin awor un promedio di 468. El a sa di subi su promedio e temporada aki awor na 283 ku 19 honron i 53 kareda empuhá. Riba promé di sèptèmber e strea di Aruba tabatin un promedio di 258, kual ta nifiká ku el a subi esaki konsiderablemente den apénas algun siman.
Ceddanne Rafaela (Boston Red Sox)
Bon dia na bate ayera pa Ceddanne Rafaela. El a bai di 5-2 ku 1 kareda empuhá. E ta kòrta un racha den kua e tabatin apénas 2 hit den 16 turno. E yu di Kòrsou tin awor un promedio di 305 ku 2 honron i 4 kareda empuhá.
Jurickson Profar ( San Diego Padres)
Jurickson no a mira akshon ayera pa Padres.
