BOSTON.- Kenley Jansen tabatin otro aktuashon ayera pa Red Sox. Ounke no tabata un oportunidat pa salba wega, Kenley a tira un inning sin tuma hit ni kareda. Su efektividat a baha awor na 3.24. Esaki tabata Kenley su di kuater wega sigui den kua e no a permití kareda.
Jurickson Profar (Colorado Rockies)
Jurickson ayera a bai di 4-0 sin niun base por bola. Esaki ta nifiká ku su racha di yega base den weganan konsekutivo ta para na 37 wega. Esaki tabata e racha di mas largu e temporada aki den Liga Grandi. Jurickson su promedio a baha awor na 238.
Xander Bogaerts (San Diego Padres)
Xander ayera a bai di 4-1 ku 1 anotá. E strea rubiano tin awor un racha di tres wega sigui konektando hit. Den e weganan aki e tin 4 hit den 12 turno. Su promedio e temporada aki ta di 257.