MIAMI.- Tremendo fin di siman pa Ozhaino Albies. El a bai di 15-5 ku 1 honron i 4 kareda empuhá. Ku e honron aki Ozhaino a yega 30 honron e temporada. Esaki ta di dos biaha den su karera, ku e ta yega 30 honron òf mas den un temporada. Huntu ku esaki el a bira e di sinku hungadó di Braves pa yega 30 honron e temporada aki. Esaki ta empatá un rèkòrt di Minnesota Twins pa loke ta trata, ekipo ku mas hungadó ku 30 honron òf mas den un temporada. Ozhaino awor tin un promedio di 267 ku 30 honron i 97 kareda empuhá.
Xander Bogaerts (San Diego Padres)
Xander Bogaerts ta sigui kayente. Den fin di siman e strea di Aruba a bai di 14-6 ku 1 kareda empuhá. Ultimo 15 wega e shortstop di Padres tin un promedio di 414. Xander a subi su promedio awor na 276 ku 18 honron i 51 kareda empuhá.
Jurickson Profar (San Diego Padres)
Jurickson Profar a bai di 10-1 den fin di siman tras di lomba, i tabatin tambe 1 kareda anotá. Su promedio e temporada aki ta awor 243 ku 9 honron i 41 kareda empuhá.
Ceddanne Rafaela (Boston Red Sox)
Fin di siman ketu na bate pa Ceddanne Rafaela. El a bai di 12-2 pa Red Sox. Ceddanne su promedio ta awor .320 ku 2 honron i 3 kareda empuhá.
Andruw Jones su dekalrashon relashona ku rekort nobo di honron di Matt Olson
