Ozhaino Albies (Atlanta Braves) a bai di 4-1 ayera ku un kareda anotá i un base por bola risibí. Un di e momentunan mas bunita di wega sigur i ku Kòrsou por ta orguyoso di dje ta momentu ku dos krioyo, Kenley Jansen riba montikulo i Ozzie Albies den kaha di bateo a enfrentá otro riba un esenario mundial. Kenley a gana e bataya aki pero al final ta Ozzie i Braves ta logra e viktoria pa pasa pa e seri final, World Series 2021. Esaki lo bira Ozzie su promé Serie Mundial di su karera. Espektativa lo ta haltu pa di dos aña sigui un yu di Korsou gana e título máksimo. Na 2020 tabata Kenley Jansen i Dodgers i awor Ozzie ta bai pa su promé renchi. Promé wega di World Series ta programa pa tuma lugá na kas di Houston Astros djamars awor pa 8:09 i lo ta un seri di Mihó di 7

Kenley Jansen (Los Angeles Dodgers) a drenta picha den di 8 ining ku un solo tarea i esei ta pa tene Dodgers den wega i ku un oportunidat mas na bate den di 9 ining. Kenley a enfrentá 5 bateadó permití un hit duna un base por bola intenshonal i poncha dos bateadó. Importante ku e no a permití kareda i kumpli ku su trabou. Ku e derota aki Kenley i Ddgers no por defendé nan título di kampion Mundial i asina nan temporada a finalisá

LAGA UN KOMENTARIO

Please enter your comment!
Please enter your name here