CLEVELAND, OOHIO, MERKA, AP.- E kampaña di Donald Trump a purba minimalisá krítikanan ku Melania Trump a práktikamente kopia dos pasahe di un diskurso di promé dama Michelle Obama na aña 2008 den e Konvenshon Nashonal Demókrata. Nan a bisa ku e señalashonnan ta “simplemente apsurdo”.
“No a kopia e diskurso di Michelle Obama”, segun Paul Manafort, hefe di e kampaña di Trump. “E tampoko ta pensa ku ta asina. Loke el a hasi ta usa palabranan ku ta komun”.
E turno estelar di señora Trump djaluna anochi den Konvenshon nashonal Republikano a koutivá un multitut ku masha poko ta skucha palabra di e kas di e kandidato presidensial republikano.
E pasahenan tabata referí na lèsnan ku el a siña di su mayornan i relevansia di e lèsnan di su eksperensia komo mama.
Manafort a bisa ku señora Trump tabata konsiente di ” kon su diskurso lo keda kritiká” i a agregá ku kualkier noshon ku el a kue parti di e diskurso di señora Obama ta “simplemente apsurdo”.
Kas Blanku no kier a duna ningun komentario riba e tema.
Den e diskurso na Cleveland, Melania Trump a bisa: “desde hóben, mi mayornan a siña mi pa traha duru pa loke mi kier den bida, ku bo palabra ta un kompromiso di hasi loke bo ta bisa i mantené bo promesa, trata hende ku rèspèt.
Nan a siña mi i mustra mi balor i moral den nan bida diario”.
Den e diskurso di Michelle Obama na aña 2008 na Denver, el a bisa: “I Barack i ami a wòrdu kriá ku hopi di e mesun balornan: manera, traha duru pa loke bo ke den bida, ku bo palabra ta bo kompromiso, ku bo ta hasi loke bo ta bisa bo ta bai hasi, ku bo ta trata hende ku dignidat i rèspèt, ounke bo no konosé nan i ounke bo no ta di akuerdo ku nan”.
