WILLEMSTAD – Krus Kòrá di Kòrsou a tuma nota ku tin un informashon totalmente robes ta sirkulá riba retnan sosial. E informashon ta indiká ku ta bai brinda yudansa na famianan kompletu di 2020- 2025. E informe ta papia di yudansa na hende muhé, hende hòmber, hóbennan studiante, ekstranhero i otronan. Ta papia di karchinan di solidaridat na balor di $500.-
Nada den e informashon ei no ta bèrdat, e ta FAKE NEWS
Ta di lamentá ku ta saka e tipo di informashon aki ku por krea speransa falsu hustamente serka hendenan den nesesidat.
Tene na kuenta ku Krus Kòrá Kòrsou aktualmente no ta hasiendo registrashon.
Krus Kòrá Kòrsou ta komuniká di forma serio i direkto na benefisiarionan. Sigui medionan di komunikashon ofisial pa tur informashon di Krus Kòrá di Kòrsou.
Esaki ta un barbaridat: ku fake nieuws riba ayudo di Krus Kora ku ta hasi kaba tur lokual ta na nan alkanse pa yuda hende den nesesidat. Kiko a para di e ayudo di FONDO DI SOSTEN na esnan ku a perde trabou i ta sin ingreso? Elekshon a pasa.No tin mas ayudo? Hende tin hopi mester Sres di SOAW.