Krusero hasiendo uso di portanan di Kòrsou pa trabounan di mantenshon

WILLEMSTAD. – Manera ku Curaçao Ports Authority a duna di konosé anteriormente ku pa e temporada di krísis relashoná ku COVID-19, barkunan krusero ta buskando portanan ku nan por mara pendiente e temporada pa kuminsá nabegá start atrobe.

E barkunan ta hasiendo uso di e momentunan aki  pa realisá trabounan di mantenshon i tambe ora ku mester hasi kambio di personal riba e barku. Kòrsou ta probechando di e okashon aki i ta logrando algun krusero yega Kòrsou pa nan trabounan di mantenshon.

Ayera a Caribbean Princess a mara na Mega Pir 2, miéntras ku Coral Princess ta mará na Mega Pir 1, tur dos di e mesun kompania krusero Princess Cruises.

E krusero Marina a mara na Caracasbaai.

Por tuma nota riba Caribbean Princess ku trabounan di mantenshon  ta tumando lugá.

E krusero Marina lo sali dia 12 di yüni miéntras ku Caribbean Princess lo keda te dia 30 di yüni.

Carinival Glory ku tabata tei lo regresá dia 16 di yüni i lo keda te dia 20 di yüni benidero.

Riba e kombinashon di foto por tuma nota di un bista ku nos no a kustumbrá kuné ku e barku Marina mará na Caracasbaai.

SHARE

LEAVE A REPLY