WASHINGTON (AFP).- E eks-direktor di FBI James Comey, ayera a duna di konosé ku e ta “inosente” i no tin miedu despues ku outoridatnan norteamerikano a akus’é di a menasá bida di presidente Donald Trump. “Mi ta inosente i no tin miedu i ta sigui kere den un poder hudisial federal independiente”, segun Comey a deklará den un video.
Comey a keda akusá pa un publikashon ku el a hasi aña pasá riba Instagram – i awor eliminá- ku tabata mustra e numbernan “86 47” formá ku schelpnan di laman. Segun Trump, e mensahe a referí na un menasa kontra di su persona.
