NASHVILLE, TENNESSEE, MERKA, AP.- Un individuo bistí ku solamente un bachi a kuminsá tira den un restorant na Nashville, Tennessee, djadumingu promé ku dia a habri i a mata kuater persona, segun indikashon di polis. outoridat a gradesí un di e komensalnan pa kita e arma for di e agresor.
Den su kuenta di Twitter, e Departamento di Polis den e zona metropolitano di Nashville a indiká ku outoridat ta buskando Travis Reinking, di 29 aña, di Illinois. Polis ta konsiderá komo un persona di interes debí ku e trùk ku e agresor a usa pa manehá pa e restorant tabata registrá na su nòmber.
Don Aaron, bosero di polis, a señalá ku tres persona a fayesé den e esena di e tiroteo i un den Sentro Médiko di Universidat Vanderbilt. Dos mas a wòrdu atendé pa heridanan di bala. E bosero di e sentro médiko, Jennifer Wetsel, a bisa ku un persona tabata den kondishon grave i e otro tabata den estado kritiko pero stabil.
Aaron a bisa ku e agresor a yega e restorant Waffle House, i a keda riba e tereno di parker durante kuater minüt i a tira kontra dos persona ku un arma di asalto. Despues, el a drenta e restorant i sigui tira.
Un kliente di 29 aña a kita e arma di e sospechoso. Asina Aaaron a señalá.
