BOGOTA, COLOMBIA, AP.- Defensor di Pueblo a informá djabièrnè ku mas di mil kubano ku a drenta ilegalmente den e pais ta biba den kondishonnan deplorabel den e pueblo di Turbo, departamento di Antioquia, kaminda nan a yega tres luna pasá.
William Gonzalez, defensor di Pueblo di e zona di Uraba, a bisa den un diálogo telefóniko ku The Associated Press ku apesar ku tabatin vários reunion ku funshonarionan di gobièrnu i Migrashon Colombia, te ainda no tin un plan di kontingensia.
” Nos sa ku mester deportá nan, pero nos no sa kon, ni di ki forma”, asina el a afirmá.
“Nos a hasi un senso di e situashon kaminda 1,297 di e siudadanonan kubano ku ta biba na Turbo, di kual 300 ta menor di edat, di 1 pa 14 aña i tin 11 muhé na estado i tambe tin algun kas ku no ta kumpli ku e normanan di higiena pa un bon habitat”, asina Gonzalez a informá tokante e situashon den e pueblo.
Durante dos dia Defensoria a konstatá faktornan di riesgo haltu pa salú debí na e presensia di insekto i djaka i raton den un bodega kaminda algun di e personanan aki ta biba.
“Loke ta preokupá nos mas n’e momentonan aki ta e sitashon di salú, di bienestar di e 300 muchanan”.
Presidente Juan Manuel Santos a ordená polis pa verifiká “e sitashon ku ta presentando na Turbo i pa solushoná esaki”.
