WILLEMSTAD – Dia 10 di yüli último Hunta di Direktiva di SEHOS den konsulta ku Direktiva di Staf Médiko a disidí pa pone un suspendé tur operashon ku no ta di urgensia. Tur esaki debí na falta struktural di material i rekurso komo konsekuensia di e situashon finansiero.
Hunta di Direktiva a hasi un proposishon na Gobièrnu pa un solushon struktural ku tabatin sosten di Direktiva di Staf Médiko. E staf médiko tambe a duna nan punto di bista riba esaki.
Komokiera ku no a logra yega na un solushon struktural, e situashon a empeorá ku ya no por garantisá i ku kuido agudo na Hospital ta na peliger. Kuido di e pashènt individual bou di sirkunstansianan aktual pa e motibu aki ta den peliger i pa staf médiko ta inakseptabel. Bou di e sirkunstansianan aktual, e staf médiko no por garantisá un kuido responsabel na e pashènt.
Staf médiko ta sosten Hunta di Direktiva di SEHOS pa e solushonnan struktural sugirí mester wòrdu efektuá ku urgensia.
