WILLEMSTAD.- Manera ya ta konosí, djasabra dia 2 di mei 2020, di 8 or anochi te ku 3 or di mardugá, riba e lugá di parker outo di Landhuis Chobolobo, Saliña, Organizacion Eventos Latino, ta bai tin un tremendo evento Latino titulá, “La Fiesta Latina Mix 2020”. Lo bai tin presentashon di e gran bachatero romántiko “Elvis Martinez (El Jefe)” kantando tur su su hit nan manera “Maestra, asi fue” i hopi mas. Tambe lo tei e kantante di género Urbano “Kiko El Crazy” ku “La Pampara”. Nan lo bai tei pa un solo presentashon. Ta solamente Organizacion Eventos Latino so por a hasi e mix di bachata i músika urbano aki posibel pa bo.
Sin duda esaki lo bai bira e evento di aña 2020, ku hopi show, kanto ku baile di bachata i di e género Urbano. Ki dushi ta rekordá e tempu nan bieu bèk atrobe ku Elvis (El Camaron) Martinez. Recordar es vivir.
Elvis Martinez ya ta un artista konosí kaba pa su hitnan i tambe esun ku el a graba último aki ku Romeo Santos ku ta “Mionario” ku por sierto ta zonando ketu bai na nos radio emisora nan lokal. Tambe mester bisa ku e kantante di género urbano Kiko el Crazy, tambe ta hopi konosí pa su hitnan ku el a graba huntu ku Crazy Design, Bulin, Lirico i El Alfa.
Den pre-show lo tin e banda di bachata di momento M’Gnifiko i e revelashon di momentu di músika latina mix GIGO Martinez. Huntu ku nan tei Dj Ramil i Dj Jose.
Mester bisa ku esaki ta e selekshon di artistanan internashonal i lokal, mihó selektá pa nos lanta ánimo di e bon baidónan di konsierto baliabel aki na Kòrsou. Bin pa bo gosa di e anochi aki di Fiesta Latina Mix 2020.
E fiesta aki ta bai ta mara na diferente promoshon ku tin di aber ku lòsmentu di kurpa i pone kurpa den un bon kondishon físiko. Es desir, eventonan pa kuminsá kalentá riba e bachata nan di Elvis Martinez i tambe di e género urbano, Kiko el Crazy.
Lo bai tin diferente sekshon pa e anochi aki. Lo bai tin entre otro nos sekshon general, VIP blanco, VIP azul pa 4 persona na mesa plùs 1 bòter di bo eskoho i un sekshon nobo kual ta e sekshon di VIP rojo pa 6 persona na mesa plùs 2 bòter di bo eskoho i algu di kome.
Karchinan ta bai ta na benta na tur e lugánan konosí manera: Tik Tak, Beep Beep, 24 uur uit de muur, RS CD Center, Beep Tiew, na tur snèk i barnan faborito. Pa informashon tokante e  sekshon nan VIP por yama 672-0939. Keda pendiente pa mas informashon.

LAGA UN KOMENTARIO

Please enter your comment!
Please enter your name here