LA PAZ, AP.- E siudat aki di Bolivia a wòrdu deklará komo zona di desaster un dia despues ku un seru a kolèps, lagando 66 kas destruí na parti sùit di La Paz. 380 persona ta damnifiká miéntras outoridat ta buska por lo ménos tres persona pèrdí.
E alkalde di e siudat, Luis Revilla, a informá djárason ku e “destrukshon” tabata dor di áwaseru ku a afektá e tereno. Dor di deklará e zona komo unu di desaster lo duna outoridat espasio pa atendé ku esnan afektá mas lihé posibel.
