WILLEMSTAD – Awe den oranan lat di mardugá polis a logra sorprendé un ladron di outo den mondi na kaminda pa lanthùis Choloma. Sentral di polis a risibí notifikashon di movementu straño den e área di Choloma. Ora polis a yega na e sitio a bin nota un Kia Soul para den mondi. Na momentu ku a aserka e outo pa bai chek, un hòmber a baha kore limpi bai. Polis a inisio un persekushon i asta los bala di atvertensia pero e tur esaki ébano komokiera ku e sospechoso a disparsé. Polis a pidi kran i kue e outo bai warda kuné. E doño di e KIA Soul a skapa na wowo di angua ya ku no a logra pluma e outo i tabata intakto ainda.
