CARACAS.- Apénas tera a kaba di tembla, ku robo i sakeo a kuminsá na gran eskala den e zonanan mas devastá di Venezuela. E denunsianan ta prinsipalmente na La Guaira, bisiña di Caracas, ku a keda kombertí den un seru di sobrá di edifisionan.
Riba un video riba retnan sosial por a mira hendenan ta karga kahanan di produktonan elektróniko. Mas aleu por mira kahanan grandi riba dak di outonan komo tambe riba bròmernan.
Tambe riba retnan sosial tin akusashon kontra di polis- i militarnan ku supuestamente ta hòrta te hasta den kaso di víktimanan ku a pèrdè nan bida den e temblor.
E sukursal di i un importante kadena di botika a keda sin nada, meskos ku vários supermerkado i otro negoshinan. Ta un situashon na kua algun hende a atribuí e nòmber “turismo di desgrasia” i otronan ta referí na e hamber i nesesidat ku ta biba den e komunidat.
“Den un supermerkado di chines, hendenan tabata pasa riba e doño ku tabata bentá abou morto”, segun un persona a duna di konosé.
Kasnan di famia tampoko ta salba. Un señora di 72 aña a denunsia ku “nan a drenta nos kas i kue tur paña, sapatunan, wea. Ta un desaster total nos a bin topa”, segun yu hòmber dje señora a duna di konosé.
