SALONICA, AP.- Tabata un wenter teribel na Gresia espesialmente pa e míles di refugiadonan ku ta keda den tiendanan di kampaña i den fábrika nan bieu i depósitonan.
Den un tayer di kose chikí di e siudat Salonica na nort di e pais un grupo di boluntario ta trata na aliviá e situashon.
Voluntarionan a traha oranan largu den un intento pa refugiadonan no pasa friu. E zonido di mashinnan di kose a revelá e propósito di e lugá; nan a kombertí laken den bachi nan i otronan pañanan di wenter.
E materia prima ta kasi interminabel; lakennan koló shinishi ku repinan kòrá mandá prinsipalmente di ehérsito, ku ta proveé e kampamentu di refugiado i migrantenan di Idomeni na frontera di Macedonia ku ta keda será aktualmente.
Te asta 14 mil persona a biba aña pasá den e tiendanan di kampaña i kampamentunan despues di ku vários pais oropeo a sera nan frontera pa e kantidat di refugiado ku tabata yega e kontinente.
Polis griego a desalohá na mei e kampamentu, kaminda hopi laken a keda atras. Un organisashon karitativo yamá “Naomi” a rekohé esakinan ku trùk i a bai ku nan pa laba nan i bolbe usa nan bèk.
E organisadó di e proyekto aki Elke Wollschlaeger a kontribuí e fábrika di bachi i inkluso a diseñá nan. E pañanan ta hiba komo etikèt “keda kòrda riba Idomeni” kosé paden di esakinan. “Nos ta trata na tene den mente di e personanan loke a sosodé aña pasá i e pueblo griego, ora a sera frontera i a laga míles di persona bandoná riba kaya”, asina el a bisa.
Gobièrnu griego a bisa ku tin mas di 60 mil refugiado i migrante riba kaya den e pais debí ku a sera frontera.
