WILLEMSTAD.-Awe mainta a tuma lugá e lansamentu di e proyekto ‘Aserkamentu dirigí riba kliente i bario’ di ministerio di Desaroyo Sosial, Labor i Bienestar (SOAW). Na e okashon aki minister Ruthmilda Larmonie-Cecilia a duna splikashon kiko ta e intenshon di e proyekto i kon ta spera ku esaki lo aportá na desaroyo di barionan di Kòrsou. E lansamentu a tuma lugá na sentro multifunshonal di Seru Grandi na Fuik.
Minister di SOAW sra. Larmonie-Cecilia a deklará ku ta konhuntamente mester traha na solushon di problemanan den barionan i realisá barionan bibabel. E minister ta kere ku ora traha na solushon e komunidat aki lo mira kambio den barionan.
Barionan por spera ku ta bai tene diálogo di bario, durante di esaki e bario por diálogo ku minister i minister su ministerio. Si bario tin un tópiko ku nan ke dialogá ku minister esei ta posibel pa medio di e timnan den bario.
Tambe lo bai den bario den setting mas chikitu. No por atendé tur sentro di bario pareu i p’esei segun haña mas hende ta bai den mas bario. For di 19 febrüari próksimo e timnan lo ta trahando. Mas detaye den edishon di EXTRA.
