NEW MEXICO, AP.- Miembronan di e direktiva di kongreso hispano a eksihí ayera pa investigá e atenshon duna dor di agentenan federal kontra un mucha muhé guatemalteko di 7 aña ku a muri bou di kustodia di patruya di frontera.
Legisladornan a hasi nan deklarashon pafó di e stashon di patruya di frontera na Lordsburg New Mexico.
Jakelin Caal i su tata a keda detené dia 6 di desèmber na e haf drentando Antalope Wells ku ta keda den un region rural di New Mexico.
E mucha a kuminsá saka i despues a stòp di hala rosea durante e trayekto pa Lordsburg.
E representante federal Raul Ruiz demókrata i dòkter di profeshon a kuestioná e patruya di frontera ya ku nan mester a pidi traslado aéreo asina e tata di e mucha a reportá e situashon. Eventualmente Caal a keda transportá den helikòpter pa un hospital El Paso kaminda el a muri algun ora despues.
Tambe djamars outoridatnan guatemalteko a informá ku a konkluí e trámitenan nesesario pa repatriá e kadaver di Caal. E bosero di Ministerio di relashonnan eksterior Marta Larra a bisa ku ku nan ta spera ku e restunan lo yega Guatemala djaweps i despues lo keda trasladá pa su pueblo natal San Antonio Secortez.