LONDON AP.-E alterashonnan interno den partido independista britániko a duna un paso pa violensia i a laga un legislador hospitalisá ku un herida na su kabes, despues di un konfrontashon ku su kolega.
Steven Woolfe, kende tabata na kabes pa e proksimá lider di partido UKIP, a risibí algun sla i a pèrdè konosementu despues di bringa ku un otro legislador djaweps mainta. Esaki a pasa durante reunion di kongresistanan den sede di e Partido Europeo Strasbourg, Fransia.
Nigel Farage, lider interino di e partido a bisa inisialmente ku Woolfe tabata den kondishon grave i ku “e kosnan tabata bastante malu”. Pero djaweps atardi el a bisa ku Woolfe tabata muchu mas mihó pa algun ora kaba.
Farage a agregá ku el a pidi un investigashon riba e insidente “ku nos mester a pasa”.
E no kier a identifiká e otro legislador involukrá.
Polis di Starbourg a bisa ku e insidente a wòrdu reportá na outoridat.
Segun indikashonnan di notisia, Woolfe a risibí gòlpi durante un pelea ku moketa kontra un otro legislador. El a haña sla na su kabes i a pèrdè konosementu algu despues.
UKIP a bisa ku Woolfe a haña dos “atake epiléptiko” i a pèrdè konosementu. Un imágen publiká na televishon pa ITV News a mustra un hòmber paresido na Woolfe inkonsiente boka abou drumi.
