WASHINGTON, MERKA, AFP.- Legisladornan di estado di Montana na wèst di Merka, a vota djabièrnè pa imponé un prohibishon kompleto di TikTok, kual a generá un pelea legal tokante akusashonnan indikando ku e aplikashon popular ta un hèrmènt di Partido Komunista Chines.
E lei proponé, e promé pa un estado di Merka, a keda aprobá ku 54 voto pro i 43 kontra i lo bira un prueba legal pa un prohibishon nashonal di e plataforma di propiedat chines, algu ku legisladornan na Washington a pidi na vários okashon.
Si e gobernador di Montana kombertí esaki den lei, TikTok lo bringa esaki den kortenan estatal i merikano.
“Nos lo sigui lucha pa usuarionan i kreadornan di TikTok na Montana, kual su derechonan di Promé Enmienda ta bou di menasa pa e gobièrnu merikano”, asina un bosero di TikTok a bisa.
Segun e lei proponé, Apple i Google lo mester eliminá Tiktok di nan ‘app store’ i empresanan ta enfrentá un but di 10.000 dòler diario si violá e lei.
E prohibishon proponé lo drenta na vigor na aña 2024, pero e ta enfrentá sierto desafionan legal, mirando ku e prohibishon ta sin presedente.
