CARACAS, VENEZUELA, AP.- Un manifestashon di partidarionan di gobièrnu a interumpí djadumingu un seshon spesial di Kongreso kaminda ku e legisladornan tabata diskutí pa pone un demanda kontra presidente Nicolás Maduro.
Desena di manifestante ku kamisa kòrá tabata protestá pafó di e kongreso for di trempan. E legisladornan a apartá miéntras e manifestantenan tabata avansá kantando i apoyando e gobièrnu.
Oposishon tabata debatí kon pa rospondé despues ku un korte djaweps a anulá posibilidatnan di realisá un referendum revokatorio pa destituí Maduro e aña aki.
E legislador Julio Borges a bisa ku e kongreso dominá pa oposishon a revelá kontra un gobièrnu ku, ta sostené, i ku no ta respetá konstitushon.
E legisladornan djadumingu a premirá un debate na un seri di medida pa fòrsa un kambio polítiko, inkluyendo medidanan pa remplasá funshonarionan elektoral i huesnan di Korte Supremo i tambe un demanda kontra Maduro pa loke nan ta konsiderá su skandal di órden konstitushonal.
No ta kla ainda kon e manifestantenan a drenta den e edifisio ku tabata rigurosamente vigilá.
E lider sosialista Jorge Rodríguez a pidi pa nan retirá, i e manifestantenan a hasi esei despues di vários minüt.
E seshon spesial a keda suspendé miéntras e lidernan opositor tabata trata na restablesé órden.
Un desishon di demandá Maduro por profundisá e krísis konstitushonal, pero difísilmente por prosperá pasobra e gobièrnu ta kontrolá kortenan i prinsipalmente institushonnan.
Un fayo hudisial ku a suspendé e yamada pa un voto revokatorio a keda kondená pa e Departamento di Estado norteamerikano i Organisashon di Estado Amerikano.
