WILLEMSTAD.- Ofisialmente tin seis espesie di turtuga ku pa medio di lei ta protehá aki na Pais Kòrsou. T’asina ku anteriormente den e era di Kòrsou komo parti di Antia (Teritorio Insular), turtuganan tambe tabata animal protehá. Pero awor ku nos pais tin un státus nobo komo un Kòrsou outónomo den Reino, nos tin nos propio leinan i esaki ta un di esnan ku ta pasa over ofisialmente den un bachi nobo. E lei akí ta algu ku gobièrnu a traha ariba i a keda entregá na novèmber 2025. Awor ofisialmente a sali e ‘Publicatieblad’ den kual ta publiká e teksto konsolidá ku ta for parti dje lei nobo.
Ku esaki ta bini ku rekonfirmashon ku turtuganan di laman ta bira protehá di akuerdo ku e Lei di Maneho di Ref na Kòrsou. E espesienan ku ta ser konsiderá komo protehá ta:
Dermochelys coriacea (Leatherback turtle, Leerschildpad, Drikil); – Caretta caretta (Loggerhead turtle, onechte karetschildpad, Kawama); – Chelonia mydas (Green turtle, Soepschildpad, Turtuga blanku); – Eretmochelys imbricata (Hawksbill turtle, Karetschildpad, Karèt); – Lepidochelys kempii (Kemp’s Ridley turtle, Turtuga bastardo); – Lepidochelys olivacea (Olive Ridley turtle, Turtuga bastardo).
