HARTFORD, CONNECTICUT, MERKA, AP.- Dos legislador demókrata di Connecticut ta impulsando un lei ku ta permití pa tuma medidanan kontra paisnan ku ninga òf retrasá intento di outoridat di Merka pa deportá kriminalnan peligroso.
Senador Richard Blumenthal i e representante Joe Courtney ta presentá “Lay Cassey” djaluna na Hartford.
E proyekto tin nòmber di Casey Chadwick, un muhé di 25 aña di Nordwich ku aña pasa a keda asesiná pa e haitiano Jean Jacques. Jacques ta pasando un sentensia di 60 aña di prisòn.
Outoridatnan federal a purba di deportá Jacques repetidamente, pero outoridatnan na Haiti no ta asept’é te ora e kumpli 17 aña di su sentensia, ku a keda dikta na aña 1997.
Chadwick a keda asesiná seis luna despues ku Jacques a sali di prisòn.
Un rapòrt merikano di luna pas a indiká ku outoridatnan di migrashon por a hasi mas pa deportá Jacques.
Ainda no a revelá mas detaye di “Lay Cassey”.
