Leshon a stroba tantu Simmons komo Didi den promé mitar di temporada

Krioyonan den MLB

 

 

Andrelton Simmons (Los Angeles Angels) un leshon serio na su ènkel den promé mitar di temporada a stroba Simmons hopi. E tabata riba kaminda pa pone algun sifra ofensivo sumamente impreshonante i ku un aktuashon konsistente. Su wante manera semper a sigui bria. Simmons tabata klave pa empuhá kareda ku kada bes ku tabatin koredor na base. Awor ku e ta bek i 100% rekuperá por spera un di dos mitar di temporada fuerte pa e pelotero yu di Kòrsou aki. Aki e sifranan di Simmons pa loke ta bai 2019:

G: 55; AB: 221; R: 26; H: 63; TB: 88; 2b: 13; 3b: 0; HR: 4; RBI: 23; BB: 8; IBB: 0; SO: 21; SB:7; CS: 1; AVG: .285; OBP: .313; SLG:. .398


Didi Gregorius (New York Yankees) e leshon ku Didi a sufri na su èlebog na final di temporada pasa a pone ku e mester a hasi un operashon di Tommy John ku un periodo di rekuperashon largu. Promé instante a pensa ku Didi lo ta for den akshon te ku All Star Break. Didi a rekuperá mas lihé ku trabou duru i tabata bek den aliniashon di Yankees nèt algun siman promé ku All Star Break. Pa tal motibu klaramente su sifranan ofensivo no por keda kompará ku esunnan di aña pasa. Didi a mustra un rekuperashon total i esei ta loke ta mas importante awor. Aki e sifranan di Didi Gregorius pa loke ta bai 2019:

G: 22; AB: 91; R: 14; H: 25; TB: 39; 2b: 2; 3b: 0: HR:4; RBI: 9; BB: 3; IBB: 0; SO: 17; SB: 1; CS: 1; AVG: .275; OBP: .298; SLG: .429

Mayan ta pone atenshon riba Xander Bogaerts, Juremi Porfar i Ademar Rifaela

 Na Hapon

 

Coco Balentien (Yakult Swallows) a bai di 3-1 ayera ku 1 base por bola risibí

 Lupa riba Liga Menor

 

Kevin Jospehina i Shean Michel (Florida Fire Frogs, afiliashon Klase A di Atlanta Braves) Josephina a drenta wega komo remplasante defensivo ayera i no a risibí turno ofisial na bate. Michel a bai di 3-0

Juremi Profar, 1b (Nashville Sounds, afiliashon Tripel A di Texas Rangers) All Star Break, próksimo wega lo ta djaweps 11 di yüli

Ademar Rifaela, OF (Norfolk Tides, afiliashon Tripel A di Baltimore Orioles) All Star Break, próksimo wega lo ta djaweps 11 di yüli

Hendrik Clementina, C (Daytona Tortugas, afiliashon Klase A Avansa di Cincinnati Reds) a bai di 4-1 ayera ku 1 kareda anota

Sherten Apostel, 3b (Hickory Crawdads, afiliashon Klase A di Texas Rangers) a bai di 4-2 ayera ku 2 kareda anotá i 1 kareda empuhá. El a konektá su di 13 doblete di temporada

Calten Daal, 2b (Chattanooga Lookouts, afiliashon Dòbel A di Cincinnati Reds) no tabatin wega ayera

Shervyen Newton (Columbia Fireflies afiliashon Klase A di New York Mets) a bai di 4-2 ayera

Kirvin Moesquit, OF (Frederick Keys, afiliashon Klase A Avansa di Baltimore Orioles) no a mira akshon ayera

Stephan Vidal, C (Idaho Falls Chukars, afiliashon Rookie di Kansas City Royals) no mira akshon ayera

Edmond Americaan, OF (Eugene Emerlands, afiliashon Klase A di Chicago Cubs) no a mira akshon ayera

Jonathan Willems, 2b (Billings Mustangs, afiliashon Rookie di Cincinnati Reds) a bai di 3-0 ayera

Dashenko Ricardo, (Durham Bulls, afiliashon Tripel A di Tampa Bay Devil Rays) All Star Break, próksimo wega lo ta djaweps 11 di yüli

Junior Martina, Inf (GCL Nationals, afiliashon Rookie di Washington Nationals) a bai di 4-1 ayera ku su di 2 doblete di temporada i 1 kareda empuhá i otro anotá

Gianfranco Wawoe, 2b (Southern Illinois Miners, Liga Independiente) no tabatin wega ayera

Shairon Martis, Curt Smith i Randolph Oduber (Lincoln Saltdogs, Liga Independiente) Smith a bai di 4-2 ku 2 kareda anotá i 1 kareda empuhá riba su di 9 honron di temporada. Oduber a bai di 4-1 ku 1 kareda anota. Martis ta den su periodo di deskanso

SHARE

LEAVE A REPLY