E fòrti Beaufort despues di eksploshonnan di Israel
BEIRUT, LIBANO, AFP.- E eksploshonnan realisá pa Israel serka di kastel di Beaufort, un fòrti na sùit di Líbano, ta un menasa direkto pa un akuerdo ku a sera den yüni, segun indikashon di presidente libanes, Joseph Aoun.
“Forsanan israelí a provoká eksploshonnan fuerte djaweps”. E eksploshonnan a keda registrá serka di e fòrti, segun indikashon di e agensia nashonal di notisia libanes NNA.
Den un komunikado, Aoun a afirmá ku e eksploshonnan ta un “menasa direkto” pa e akuerdo resien ku a sera ku Israel. El a añadí ku e eksploshonnan ta peligroso i ta un violashon evidente di e kompromisonan eksistente.
E momentu di e eksploshonnan ta promé ku un ròndu mas di kombersashon ku Israel otro siman na Roma. Esaki “ta manda un mensahe negativo i ta debilitá esfuersonan internashonal pa krea stabilidat”, asina Aoun a bisa.
Israel a invadí Líbano den luna di mei, pa kombatí e grupo pro iraní Hezbollah. Nan a kapturá e fòrti e temporada aki.
Agensia kultural di Nashonnan Uní a inkluí esaki riba su lista di patrimonio mundial na peliger.
Den un komunikado konhunto, promé minister israelí Benjamin Netanyahu i minister di defensa Israel Kats a anunsiá ku ehérsito a destruí tùnelnan terorista den region di Beaufort. Nan a usa mas di 700 tòn di eksplosivo.
