E Promé Minister canades i lider di Partido Liberal, Mark Carney, ta saludá su sostenedónan riba kaminda pa un fiesta di viktoria na Ottawa, Ontario.
OTTAWA, Canada (AFP).- Partido Liberal a gana den elekshon parlamentario na Canada, marká pa e menasanan di Donald Trump, kende e promé minister i kandidato pa sigui den funshon, Mark Carney, a primintí di lo derotá den su guera komersial.
Ayera tardi lat faltando parti dje konteo definitivo, tur kos a mustra den direkshon di kasi un mayoria apsoluto pa e partido di Carney. E resultado ei lo trese kuné ku McCarney ta fòrsá pa hinka un forsa minoritario huntu kuné den gobièrnu pa e por keda komo promé minister.
Te ku algun luna pasá tabatin indikashon ku e konservadornan, liderá pa Pierre Poilievre, lo a regresá na poder despues di dies aña dje gobièrnu liberal. Pero e regreso di Trump den White House a kambia e panorama.
E guera komersial dje republikano i su menasanan pa mara Canada na Merka a provoká indignashon serka kanadesnan i a trese kuné ku e prioridat a bira pa atendé ku Merka.
Carney, faborito den enkuestanan, a kaba su kampaña ku un diskurso kontra di Trump. Den deklarashonnan riba kaminda pa viktoria, Carney a kalifiká komo “traishon” e akshonnan dje presidente norteamerikano.
Di su parti, Poilievre a rekonosé e derota i a primintí di traha ku e liberalnan pa kontra arestá e guera komersial di Trump.
o.
