DERNA, LIBIA, AFP.- Trahadónan di reskate i boluntarionan ta buska entre hopi shushi, míles di persona ku a disparsé na Derna, un siudat na kosta di Libia ku a keda asotá pa un inundashon ku a bati e siudat, manera un sunami i a laga por lo ménos 3800 morto.
E kantidat di awa ku a kai den anochi di djadumingu pa djaluna a rementá e represanan i a provoká un maremoto di vários meter ku a tumba edifisionan, vehíkulonan a lastra personanan ku tabata riba kaya bai kuné.
Vários pais i organisashonnan internashonal a ofresé na mobilisá pa por yuda, loke un funshonario di ONU a kalifiká komo un kalamidat, ku a gòlpia ademas un pais ku ta den konflikto pa hopi aña kaba, kaminda tin dos gobièrnu rival.
“Ainda tin speransa di haña hende bibu”, asina Tamer Ramadan direktor di operashon di Federashon Internashonal di Sosiedatnan di Krus Kora i e media Luna Kora na Libia a indiká.
Ramadan a nenga na duna un balanse di morto ya ku no ta definitivo ni presis ainda, segun el a bisa den un rueda di prensa na Ginebra.
