KINSASA, REPUBLIKA DEMOKRATIKO DI CONGO, AP.- E kandidato presidensial di Congo, Martin Fayulu, kende a terminá na segundo lugá a konfirmá di a apelá e resultado elektoral pa eksigí un konteo nobo.
E tribunal konstitushonal tin shete dia pa konsiderá esaki.
Fayulu ta argumentá ku tabatin un akuerdo “skondí” entre e ganadó deklará Felix Tshisekedi i presidente Joseph Kabila.
Fayulu a bisa na prensa ku e apelashon ta inkluí e resultado elektoral publiká pafó di sentronan di votamentu di Congo.
E koalishon di Faylu ta afirmá ku e kandidato a gana ku 61% di voto segun 40.000 opservador elektoral di Iglesia Katóliko ku a wòrdu distribuí den e pais. E komishon elektoral di Congo a bisa ku esaki a haña solamente 34% di voto i Tshisekedi a haña 38%.
E presidente di e komishon ku tin dos opshon: òf ta aseptá e resultadonan ofisial òf ta anulá elekshon.