TORONTO, AP.- E minister di Eksterior di Canada a risibí e lider di oposishon venezolano Juan Guaidó pa un serie di reunion na Ottawa djaluna komo parti di un intento pa rebibá e sosten internashonal pa su kousa.
E hòmber rekonosé pa Merka i kasi 60 pais mas komo lider legítimo di Venezuela a kuminsá su dia ku un reunion ku e kansier kanades Francois-Philippe Champagne. E promé minister kanades Justin Trudeau tambe mester a reuní ku Guaidó.
Guaidó a deklará su mes komo presidente interino di e nashon, konsiderando ku Maduro su elekshon no tabata bálido. Sinembargo, te ainda e no a logra ekspulsá Maduro di poder.
