TEHRAN, AP.- Algun ratu promé ku un enkuentro internashonal na Varsovia, e lider supremo iraní ayatola Ali Jamenei a deklará ku kualkier negosiashon ku Merka “lo kousa perhuisio material i spiritual”.

E komentarionan a wòrdu inkluí den un komunikado di shete página. Dos dia promé Iran a konmemorá e di 40 aniversario di e Revolushon Islámiko.

Jamenei a aprobá un diálogo ku a sòru pa yega na un akuerdo nuklear kaminda Iran lo a limitá su aktividatnan nuklear a kambio di un retiro di e sanshonnan ekonómiko internashonal kontra e pais.

Sinembargo, e akuerdo a wòrdu logra bou di Barack Obama su mando komo presidente den Merka. E mandatario aktual, Donald Trump a retirá Merka di e pakto. E akuerdo a wòrdu ofresé na aña 2015.

E deklarashonnan di Jamenei ta un indikashon ku e gobièrnu iraní ta ménos dispuesto na interaktuá ku Oksidente.

Den un reunion di gabinete djárason, e presidente iraní Hassan Rouhani a ripití e komentarionan di Jamenei, indikando ku “e nashon no mester entregá kontra Merka”.

El a agregá ku, “Iran ta na fabor di e negosiashonnan, pero nos no ta dispuesto na aseptá ningun imposishon, abusu, preshon òf violashon di nos derechinan nashonal”.

LAGA UN KOMENTARIO

Please enter your comment!
Please enter your name here