WASHINGTON, AP. – Presidente merikano Barack Obama a elogiá djamars último e promé minister di Italia Matteo Renzi pa su liderazgo “progresista” i “atrevido” kaminda el a bisa, ku ta eksaktamente loke Oropa mester den un tempu di krísis. Obama a elogiá tambe e relashonnan ku Estádos Unídos tin ku Italia, tambe el a bisa ku Washington tin hopi aliado fuerte rònt mundu, pero poko hopi fuerte, konfiabel, i kapas komo e pais oropeo. “Den tempu bon i malu, nos por dependé di otro”, asina Obama a bisa. Den un dia di hopi solo Na Kas Blanku, tras di kombersashonnan privá riba un serie di asuntunan global, Obama a bisa den un konferensia di prensa huntu ku Renzi ku e ta konsiderá su kolega un di su sosionan mas serkano i un amigu den senario mundial. “Mi ta pensa ku Matteo ta representá un generashon nobo di lidernan, no solamente pa Italia, pero pa Oropa”, asina el a bisa.
E atmirashon ta mutuo. Renzi tambe a elogiá presidente Barack Obama pa su liderato i asuntunan ekonómiko i a bisa ku el a kopia for di Obama un “lei di empleo”. Tambe el a bisa ku e inisiativa a krea un kantidat signifikativo den Italia i ku el a yama “un paso inisial pa sali for di nos situashon difísil”. I ta alabá ademas e trabou di Obama den material di kambionan klimatiko i energétiko limpi i a bisa ku Estádos Unídos a mustra un forma di sali for di krísis fiskal. Funshonarionan di Kas Blanku a bisa ku e lidernan ta kompartí hopi ideológikamente, spesialmente su kreensia den Oropa fuertemente integrá. E desishon di Gran Bretaña di sali for di UE ta un prueba pa e vishon ei. 4 di desèmber Italia lo realisá un referendum riba un propuesta pa gobièrnu pa reformá konstitushon, un konsulta ku frakaso por kita for di riel e futuro polítiko di Renzi.
Renzi a bisa ku e referendum ta riba un kombate kontra burokrasia. “inkreibel ku Italia a kambia di gobièrnu mas di 63 be den 70 aña.
Si nos gana, nos lo ta esnan di mas fuerte den UE”, asina Renzi a bisa.
