BRUSELAS, AP.- Lidernan di Europa i Asia a ratifiká nan sosten na e akuerdo nuklear ku Iran, kalifikando esaki komo un benefisio pa seguridat mundial i ekspresando ku ta importante pa respetá e akuerdonan internashonal.
Den un kumbre djabièrnè na Bruselas, e mandatarionan a ekspresá su “sosten kolektivo” pa e akuerdo firmá na aña 2015, sigurando ku “nos ta riba kaminda pa logra e ophetivonan”.
Den luna di mei, presidente merikano Donald Trump a retirá e pais di e pakto, denunsiando ku no a hasi nada pa evitá ku Iran ta desaroyá òf sostené gruponan violento den Medio Oriente.
E desishon di Trump a resultá den sanshon merikano kontra Iran. Esaki ta afektá tur kompania ku ta hasiendo negoshi ku Iran, pero e paisnan europeo ta purbando di mantené e vínkulonan transparente.
