HAVANA, AP.- Lidernan estranhero i representantenan di diferente gobièrnu polítiko asistí un homenahe na Fidel Castro. Castro a generá atmirashon i kritiká rònt mundu.
Havana, karakterisá pa músika den kada rinkon, tabata ketu.
Entre e lidernan ku a yega tabatin presidente di Bolivia Evo Morales i venezolano Nicolás Maduro, aliadonan estrecho di Castro. Vários polítiko di Reino Uní i Merka mester a yega tambe.
Morales i Maduro a bishitá e altar dekorá pa rosa blanku ku a mustra retrato di Castro na hóben i bistí ku vários medaya. Maduro no a hasi ningun deklarashon.
Desde mainta i pa e segundo dia konsekutivo, míles di kubano a forma ordenadamente den un fila largu di mas di un kilometer alrededor di Plaza de la Revolucion pa opservá i honra e altar di e lider ku a fayesé.
