WILLEMSTAD – Pa promé biaha den historia di atletismo ulandes ku den e kaso aki un yu di Kòrsou, Liemarvin Bonevacia ta klasifiká pa final den 400 meter pa Weganan Olímpiko. “Mi ta kontentu, mi soño a bira realidat. No ta normal.” El a gradisí tantu Ulanda komo Kòrsou pa e logro grandi ku na mes momentu ta un rèkert nobo ulandes.
Liemarvin Bonevacia di 32 aña di edat ta partisipando den di tres Weganan Olímpiko. E yu di Kòrsou tabata super kontentu i indikando ku semper den un final tur kos por sosodé.
