WILLEMSTAD.- Awe mainta, Gobernador di Korsou, Su Ekselensia Mauritsz de Kort, na nòmber di Su Mahestat rei Willem-Alexander, por a kondekorá durante di un seremonia ofisial na palasio di gobernado na Fort Amsterdam, dieskuater siudadanonan di Kòrsou ku un distinshon real pa nan mérito speshal pa benefisio di komunidat. Ta trata di kontribushonnan ku ta esensial pa sosiedat di Kòrsou.
E siguiente personanan a haña un distinshon real:
Ofisier den e Orde di Oranje-Nassau
Señor Willem Frederik Winkel, pa mérito riba tereno di kuido di salú.
Ridder den e Orde di Oranje-Nassau
Señor Daniël Sickman Corsen, pa mérito den bienestar di hubentut.
Señor Urny Lupo Florán, pa mérito den beisbòl.
Señor Franciscus Georgina Maria Heijtel, pa mérito den salú mental.
Señor Glenn Egbert Matroos, pa mérito den salú mental.
Señor Alton Candido Paas, pa mérito den interes di pashènt, bienestar di personanan ku limitashon i inklushon.
Señora Stella Maria Pieters Kwiers, pa mérito den desaroyo sosial i kultural.
Miembro den e Orde di Oranje-Nassau
Señora Leonilda Sofia Curie, pa mérito den bienestar di hubentut i detenidonan.
Señora Mercée Marie Thérèse Doran, pa mérito den músika i bienestar di hubentut.
Señora Ingrid Melania Haile-Hato, pa mérito den edukashon, bienestar di hubentut i músika.
Señora Liesbeth Agnes Luis-Calister, pa mérito den asistensia i vòlibòl.
Señor Roland Fridolino Antonio Rooi, pa mérito, entre otro, bienestar di hubentut, bida religioso i asistensia.
Señora Karin Antonia Aurora Soleana, pa mérito den kuido di yu di otro i bienestar.
Señor Glenn Teófilo Thomas, pa mérito den medio di komunikashon i bienestar di hubentut.
