Lisette a bin tuma su premio di ‘Rei ken ta Rei òf Reina di Tumba 2020’

WILLEMSTAD.- EXTRA e korant # 1 ta sigui repartí premio den e temporada di Karnaval aki. Despues dje tremendo kampaña kaminda bo por a gana 2 karchi pa Red Carpet di Festival di Tumba 2020, ayera a toka turno pa hasi entrega di e premio na e ganadó dje kampaña ‘Rei ta ken ta Rei òf Reina di Tumba 2020’.
Sra. Lisette Lindeborg huntu ku su subrina a bin ofisina di EXTRA ayera tardi pa risibí su pakete di premio dje tremendo kampaña kaminda EXTRA huntu ku Esperamos Supermarket tei sòru pa Lisette huntu ku su famia i amigunan por disfrutá di Karnaval sin ku tin ku kibra kabes pa loke ta trata ko’i bebe i kome!.
Den presensia di sra. Marlen Florencia, representante di Esperamos Supermarket i sra. Sin Poulina di EXTRA a hasi entrega di e pakete di premio na sra. Lisette Lindeborg.

MAS PREMIO
EXTRA ta sigui repartí premio, ántayera a entregá chèk di 4400 florin na ganadó di ‘Gana ku EXTRA’ i ta pendiente awor pa e kampaña ‘Pensa Gana’ ku lo repartí 15 mil florin na premio.
Sigui lesa bo EXTRA, e korant # 1.

SHARE

LEAVE A REPLY