WILLEMSTAD.- ERA tei ketu bai. Awor a toka turno pa Little Leito interpretá un kansion nobo pa ERA.
‘Mi tin swing’, komponé pa Bibi Gonet, kanta pa Rudsel ‘Little’ Leito i produsí pa Angelo ‘Borrel’ Dopwell ta e kansion nobo di ERA ku tin tremendo swing.
“Mi tin poko tono, mi no a bai konservatorio pero un kos ku mi sin fin ta andanada di swing. Si nan drumi nan ta haña, si nan deskuidá mi ta pasa, pone hopi atenshon mi tei subi esenario pa roba show. No mester muchu letra ni muchu melodia, esun tiki ku mi por mi ta duna bu e ku sabor. Mi tin hopi sabor pa areglá kurason, ata mi ritmo pegahoso ku ta hasi tur hende loko”, ta un parti dje letra di ‘Mi tin swing’.
ERA ta bolbe los nan ritmo pegahoso i ta kla pa pone tur hende swing. Sostené nos artistanan lokal!.
