WILLEMSTAD.- Siman pasá djaluna durante dje programa ‘Mainta’ na Televishon Direct, srta. Cristine Rietwijk a keda korona dor di Ayanette Statia, direktor di Queen Making Queens Organization komo Kòrsou su representante pa e sertámen di Reina Hispanoamericana 2021.

Cristine Rietwijk no ta deskonosí pa mundu di beyesa aki na Kòrsou, ya komo e tabata un di e partisipantenan pa Miss Curaçao 2021 i a duna un tremendo presentashon. Debí na esaki, QMQ a mira e potensial i a aserka srta. Cristine Rietwijk ku e oportunidat aki. David Meyer ta Cristine su manager i entrenadó.

Reina Hispanoamericana ku ta selebrá e aña aki nan di 30 edishon ta un sertámen di nivel ku ta tuma lugá tur aña na Bolivia.

Srta Cristine Rietwijk lo biaha djadumingu awor, 17 òktober pa representá Kòrsou na Bolivia. E sertámen final lo tuma lugá 30 òktober 2021 i por sigui e transmishon live via e página di facebook di Reina Hispanoamericana.

LAGA UN KOMENTARIO

Please enter your comment!
Please enter your name here