PARIS, Fransia (AFP).- E presidente franses, Emmanuel Macron, ayera a duna di konosé ku aliadonan “lo oumentá preshon riba Rusia” den próksimo ocho pa dies dianan. El a trese esei dilanti den un entrevista ku e semanario franses Paris Match.
“E próksimo diessinku dianan lo ta krusial pa purba na para e guera”, segun e presidente franses. El a agregá di ta kere di “a konvensé e merikanonan dje posibilidat pa oumentá e menasanan i huntu ku esei tambe posibel sanshonnan kontra di Mòsku”.
Ta e deseo di Merka pa e guera stòp, esaki ta aseptá pa Ukrania i ta keda defendé pa e europeonan, pero Rusia ainda no a reakshoná.
Macron a entrevistá su koleganan norteamerikano, Donald Trump i e ukraniano Volodimir Zelenski, djasabra den Vatikano.
E presidente franses a bisa di a papia ku Trump “djárason anochi pa konvensé pa adoptá un liña fuerte”, segun Macron a trese dilanti.
“Mi ta kere ku nos tabatin éksito danki na e enkuentro ei na Vatikano, pa reanudá e preshon riba Rusia. “Esei tabata e meta, pues, no ta korekto pa e preshon ta solamente riba Ukrania”, segun el a agregá.
