LOUIE LOUIE

Un felis djabièrnè pa tur nos lektornan…

 Tin un promotor basta rabiá riba e echo ku un otro promotor a kontratá un banda pa presentá e mesun wikènt ku e tin su fiesta aki na Kòrsou…

 E kombinashon dje di dos fiesta parse ku a suak benta di karchi dje promé fiesta pone shon promotor bira basta bidèm…

 E kos aki a keda manera ‘Ieder voor zichzelf, God voor ons allen’….

 ‘Ikke Ikke Ikke’… Giancarlo nan ta buskando bo pa kanta aki…

 Ta un lástima ku ayera nochi niun kanal di televishon no a transmití e evento na Rif relashoná ku abolishon di sklabitut…

 For di potrètnan ku mi a tuma nota di dje e presentashon artístiko ku tabatin ayera nochi sigur ta bale la pena pa a pasa esaki na televishon…

 Ban spera ku un hende lo a hasi grabashon i ku esaki próksimamente por keda kompartí…

 Nos eventonan kultural importante mester keda transmití pa henter pueblo por tuma nota di esaki…

 ‘Nation Building’ ta kuminsá na momentu ku bo ta eduká bo abitantenan…

 Meskos ku aña pasá, e aña ta mustra ku lo bai tin masha hopi aktividat mes den luna di desèmber…

 No ta fiesta so, pero konsiertonan tambe …

 Ma tuma nota di sigur 2 konsierto grandi ku ta pendiente pa desèmber…

 Mi ta pendiente pa e konsierto ku bandanan lokal ku tambe mester tuma lugá den luna di òktober…

 Ainda no a kuminsá ku promoshon…

 Mi ta kere e promotor ta kaba di hala un rosea pa e sigui…

 Interes pa e konsierto di Rootsriders ku Junior Tecla i Tamara Nivillac ta birando grandi…

 Mi tin e leve impreshon ku Madero ta bai keda chikí pa e konsierto aki…

 Tin algun kolaborashon musikal ku ta pendiente pa tuma lugá den e último lunanan di e aña aki ku lo bai pèrkurá pa produkshonnan ku ora bo tende nòmber di ken ta esnan ku ta trahando huntu ku praktikamente ta piesanan ku etikèt di bira klásikonan aki na Kòrsou ta wòrdu produsí…

 Falta 10 dia pa Gobièrnu anunsiá ken lo ta e organisadónan di Karnaval…

 Ayera ma bolbe topa ku un ‘guru’ den asuntu di organisashon di aktividatnan grandi, inkluyendo Karnaval i el a bolbe enfatisá ku e kondishonnan di Gobièrnu ta hopi stringente i ku e ta kere ku Gobièrnu mester a tuma desishon ku porfin nan lo bai duna supsidio sea kompletu òf un montante respetá, pasó ta e úniko motibu pa kual e kondishonnan ta stringente…

 Ata Chris Brown despues di 8 aña ta konta kiko a pone ku el a bati Rihanna manera el a hasié…

 E medaya tin dos banda i nunka promé niun hende no a tende e banda di Chris…

 Felis wikènt, disfrutá di bo fin di siman, nos ta topa djaluna awor…

 

 

SHARE

LEAVE A REPLY