Un felis djárason…
Siman a parti na dos…
Ayera tardi Fundashon Alelimo a sorprendé Dibo Doran ku un rekuerdo pa e echo ku e ta e promé tumbero ku a gana tur 2 korona…
Great pa mira kon Dibo ta sinta despues dje parti ofisial i komuniká ku e muchanan…
Ora bo ta humilde bo ta yega hopi leu i bo ta bira un ‘role model’ pa otro hóbennan…
Keda ‘down to earth’ ta hasi bu un persona ku ta wòrdu apresiá mas lihé ku si bo hinka den bo kabes ku t’abo te hòmbu òf muhé…
Ayera tardi ma bai tira un bista na Festival Center i mester bisa ku e lugá ta kohiendo forma pa loke ta trata e ‘set up’ di Hak’e…
E konsepto ta tresiendo kaba un dimenshon pa loke ta trata e lugá mes…
Stagenan ta bai keda algu apart…
Hak’e mester habri wowo di AMAK pa algun aspekto organisatorio ku e organisashon mester siña for di dje pa hasi e evento otro aña na momentu ku e ta selebrá su di 50 aniversario, esaki bira mas atraktivo i atraé públiko…
E aña aki kaba segun mi tabatin un subida di públiko den Festival Center, pa otro aña mester kibra e rèkòrt di asistensia…
Ayera nochi ma tuma nota dje stènt den Roodeweg ku tur aña ta pèrkurá pa un tema ku ta hala atenshon…
E aña aki Guaidó te tema, otro bon eskoho, ban spera ku e hendenan aya komprondé ku e kos ta un ‘kick’ i ku no tin niun motibu pa laga e doñonan kita e tema for dje fachada dje lokalidat…
Un saludo pa Juni i su tim, bon pensa!…
Ma komprondé ku e tim di kontròl ku ta enkargá ku kontròl di establesimentunan riba ruta di Karnaval a hasi nan kontròl kaba, pero ta pendiente pa riba fecha dje marchanan bolbe pasa kontrolá tur negoshi i tambe stèntnan ku lo bai bende bibida i kuminda riba ruta di Karnaval…
A tene dianan di informashon pa konsientisá doñonan di stènt, pero segun mi nan no a logra atraé tur e doñonan di stènt…
Ke men e kontròl ta na su lugá…
Djadumingu awor nos muchanan lo ta den kaya, kòrda duna e muchanan e chèns pa nan por marcha trankil i gosa di nan Karnaval…
Na lidernan di grupo un petishon, no pone e muchanan kana tras di otro manera robòt, traha koreografia i laga e muchanan baila i gosa…
Mester buta un premio pa grupo mas animá, grupo ku mihó koreografia…
Trese bida den e Marcha Hubenil i no straf e muchanan ku kanamentu den rei…
‘Dome’ tei bira un kos serio, manera ma splika den siman ei, 30 meter largu ku oportunidat pa sinta ámbos banda…
Ma tuma nota dje komunikado ku ta indiká ku lo tin lugá pa sinta pa mas ku 1000 hende…
E ta birando grandi i loke ta importante ta e servisio ku e públiko mester haña…
Ora bo wak bon, e preis ta kumbiní te hasta e públiko lokal…
Si bo wak bon, e ponementu di stellage ta un ambiente kompletu, pero e tin su gastunan kuné…
Ta basta sèn e hendenan ku ta harma un stellage ta gasta pa sòru pa nan tin tur fasilidat na nan stellage…
Kuminsando for di e stellage mes ku tin ku wòrdu harmá, siguí pa ko’i kome ku ko’i bebe i esaki sin konta por ehèmpel un ‘porta potty’ …
Trahamentu riba treilernan di bandanan ku ta bai partisipá den Marcha Hubenil a start, pa otro siman nos tira un bista den Festival Center kaminda Massive Productions tin kustumber di bai laga tur nan treilernan para pa dje forma ei tin un punto sentral pa harma tur treiler ku nan zonido…
Nos tei move, awe ta otro dia pa nos traha pa hiba nos pais pa dilanti…
Felis dia !….
