Djabièrnè a yega aki…

 

Un felis dia na tur nos lektornan…

 

Nos tei drenta otro wikènt i e espektativanan ta sigui subi pa sa ki te desishon ku Gobièrnu tei tuma djaluna awor na momentu ku a keda pa anunsiá adaptashon dje medidanan ku a keda implementá…

 

Henter e komunidat di mundu di entretenimentu ta pendiente…

 

Hopi ta e músikonan, dj i otronan ku ta vinkulá ku e sektor ku ta pasando momentunan difísil pa loke ta trata nan entrada…

 

Esaki ta konta sigur pa esnan ku e loke nan ta gana di farándula ta nan di dos entrada i ku pa e motibu aki no por risibí sosten di Gobièrnu pa e falta di entrada ku nan tin…

 

AGKK a bisa ku e sèn a disparsé i Minister den promé reakshon ta konfirmá ku e sèn tei, pero ta kontrol mester kaba di tuma lugá pa e sèn por wòrdu pagá…

 

AMAK tambe tin un bon plan hinka den otro pa loke ta trata e ‘Tumba Revival Festival’…

Pa otro siman AMAK ta pendiente di duna tur detaye relashoná ku e evento ku ta tumando lugá den e promé siman di luna di febrüari…

 

Interesante lo ta pa sa kon públiko lo por asistí na e evento…

 

Mi ta imaginá ku lo ta stail di ‘Drive In’ òf manera Feco a indiká den e entrevista di ‘Louie Louie Talks’ ku lo traha sekshon di 4 persona repartí den e área di ‘Red Carpet’…

 

Den e dianan aki ku radionan ta tokando tumba bo ta mira kuantu hende ta fanátiko del alma di Festival di Tumba i Karnaval…

 

Den e dianan aki tur e rekuerdonan sigur di potrètnan riba facebook ta kuminsá sali i mas i mas lo lamentá e falta dje temporada di Karnaval …

 

Pero ta importante pa nos a kuida durante e temporada largu i pa awor nos spera ku lo suavisá e medidanan…

 

Papiando di luna di febrüari, awor mi mente a dal riba ‘Valentine’s Day’ ta kon tei hasi si restorantnan tin ku sera trempan…

 

Ta den ora di ‘lunch’ tur hende lo bai, paso anochi ketu…

 

Mi ta hasi wega dje situashon, pero ban spera ku ta suavisá e medidanan pa e por pone nos ekonomia drai un tiki mas di loke e ta limitá aworakí…

 

Danki un biaha mas na tur e siguidónan di e página di facebook i YouTube di EXTRA ku ayera nochi a sigui e entrevista ku sra. Chantall Faneyte Regales den ‘Louie Louie Talks’…

 

‘Positivismo ta un eskoho’, algu ku sigur a bin dilanti ayera den e entrevista…

 

Subi riba e página di EXTRA riba facebook: extracuracao i wak e entrevista di ayera nochi…

 

Wikènt a dal aden aki, mi tei deskansá, djaluna nos tei bèk ku otro edishon di ‘Louie Louie’ …

 

LAGA UN KOMENTARIO

Please enter your comment!
Please enter your name here