Nos a yega djabièrnè, un felis djabièrnè pa bo…
Nos a yega e wikènt di ‘One for the Road’ di Survival…
Espektativa ta haltu pa e fiesta aki ku un dje bandanan ku a kousa impakto den dékada 90 pa nan repertorio i zonido úniko…
Mañan anochi WTC lo te sitio pa e fiesta di wikènt aki…
Awe nochi entre 7’or pa 9’or di anochi 24 modelo hóben lo partisipá na e sertámen di ‘Sambil Mini Model 2017’….
E hóbennan partisipante lo tin e edat di entre 5 pa 8 aña i di 9 pa 12 aña…
Entre nan o skohe 2 ganadó ku lo bira e kara ofisial pa Sambil i lo representá e empresa durante diferente aktividatnan…
Bon reakshon pa e konsierto di Ilan Chester i e konsepto di ‘ Taste of Music’…
E hendenan ta enkantá ku e konsepto ku a keda presentá…
Pa otro siman e promotornan a keda pa divulgá tur detaye relashoná ku e evento…
Ma komprondé te hasta ku lo tin un fecha pone pa un ‘gimmick’ relashoná ku e evento…
‘Vanilla’, kaminda ántes tabata Bananas ta pendiente pa habri..
Trabounan di remodelashon ta bastante avansá i e promotornan ta trahando riba e último detayenan pa e konsepto…
Inskripshon pa e diferente elekshonnan pa embahadornan di Karnaval ta habrí ainda…
Mi no a tende nada di Festival di Tumba Hubenil 2018…
Mi ta pendiente ainda pa e rueda di prensa di e organisashon di Juni Aniceta …
Nan a keda pa tene un rueda di prensa for di siman pasa, pero te ainda nada…
Nos ta yegando na fin di Oktober i tur hende ta pendiente pa e detayenan di e selebrashon di Karnaval 2018…
‘Simplicity Benefit Party’ ta un dje fiestanan ku tei hala bastante atenshon den e dianan ku ta bai bini…
E kombinashon di ERA ku Tune tei pèrkurá pa Landhuis Brakkeput Mei Mei bira chikí…
Tune ku Tico, Jill, Benoni, Luwi i direktamente for di Ulanda, Clifton End…
Bon fiesta…
Nos ta na kaminda pa luna di desèmber…
E ta pone mi kòrda mesora riba e lei di ‘Orden Públiko’ i sigur e artíkulo ku ta prohibí e presentashon di artistanan internashonal na Kòrsou…
Kon tei para ku esaki, esnan ku no ta residensiá na Kòrsou lo tin mag di presentá e biaha aki?
Ki argumento lo hiba e aña aki…
Aña pasa a buska motibu pa por a desviá for di e lei, pero ta interesante pa sa si e aña aki atrobe lo buska manera pa desviá…
Nos ke protehé merkado, ora ku e no tin niun balor pa nos, pero asina bo ta involukrá ku kualke organisashon, lo bo no ke pa prohibí entrada di artistanan estranhero…
Ban wak kua te alma ku tei sali protesta, pero ku despues tòg ke pa kambia òf tene konsiderashon ku su evento…
‘Louie Louie’ tei move, djaluna nos tei bek pa otro edishon di bo kolumna faborito…
