Un siman nobo ta habri i nos mester ta prepará pa kos bon so!…

 

E kantidat di kontagionan a baha, meskos e kantidat di personanan ku a fayesé pa motibu di COVID…

 

E kantidat di rekuperashon tambe a keda stabil dunando indikashon ku e kantidat di kasonan aktivo ta sigui baha…

 

Nos a surpasá 50 mil hende vakuná i esaki tambe ta duna indikashon ku nos ta bayendo den bon direkshon…

 

Aworakí nos mester kuminsá traha riba e kambio di ‘mindset’ pa dje forma ei tur hende sigui kuida i protehé nan mes i nan famia, esei te kos mas importante…

 

Ambiente total tabatin djasabra anochi ora ku a bira konosí ku e konsierto di Marc Anthony a keda posponé…

 

Hopi hende a prepará pa disfrutá di e konsierto …

 

Djadumingu atardi tur hende a gosa un bòl ku un tremendo konsierto kaminda Marc Anthony a brinda un tremendo espektákulo…

 

Hopi a gosa i segun splikashon dje propio Marc, e públiko ku a sigui e konsierto ta bin di sigur 50 pais…

 

Kendrick Maxwell a toka un tema masha interesante ku ta e situashon di Mamanan soltero…

 

E piesa aki sigur lo haña su atenshon den e dianan na kaminda pa ‘Dia di Mama’ ku ta e motibu pa kua el a komponé e kansion…

 

Tin algun produkshon musikal mas ku ta pendiente pa keda lansá den e dianan aki…

 

Manera Kendrick a indiká e problema di ‘lockdown’ ta pone ku músiko i artistanan nan ora pa produsí i graba ta keda limitá pa motibu di e orario di ‘toke de keda’…

 

Na Orlando den wikènt ku ta tras di lomba nan a organisá un konsierto kaminda tur hende ku a asistí mester tabata vakuná i òf pasa e PCR tèst pa nan por a drenta i disfrutá dje konsierto…

 

Hulanda tambe ta pendiente pa un konsierto grandi kaminda e eksigensia lo ta PCR tèst òf ta vakuná pa risibí entrada pasando un ‘rapid test’…

 

Poko poko bo ta mira ku ta kuminsá trata pa bai e normal nobo…

 

Na Hulanda tin problema tambe ku tin sierto siudat ku si ta permití pa na e sitionan di Horeca e bishitantenan por sinta pafó i na otro siudat no…

 

E kos ei tin e doñonan di establesimentunan ‘Fada!’, manera Chris sa bisa!…

 

Awe e promé di dos siman mas di ‘lockdown’ ta kuminsá i nos ta spera ku tur kos sigui kana den e direkshon positivo…

 

Hopi hende riba kaya pa sikiera kana pa tene kurpa den kondishon i relahá mente…

 

Ban wak kon e siman aki ta bai desaroyá, importante ta pa nos fiha nos mes riba e kosnan positivo pa nos por yega na kambio dje ‘mindset’ pa traha riba un Kòrsou kaminda ‘Huntu’ nos ta uni pa logra lo mihó pa nos Pais…

 

Bon siman!…

LAGA UN KOMENTARIO

Please enter your comment!
Please enter your name here