Un bon siman pa tur nos lektornan…

 

Nos a habri un siman ku e speransa ku e kantidat di personanan kontagiá ta sigui baha i ku e grupo ku ta rekuperando lo sigui hasi esaki satisfaktoriamente…

 

E tim di vakunashon ta trahando duru pa por sigui konvensé mas hende pa bai vakuná…

 

Mester sigui promové vakunashon i buska manera pa por yega den tur skina di Kòrsou pa esnan ku no tin moda di yega un dje sentronan di vakunashon por logra na vakuna…

 

Ban pa Farándula…

 

Louie Louie a komprondé ku tei produsí un evento pa ‘Un Kanto pa Kòrsou’…

 

Tin dos konsepto pensá, pero mester kaba di konfirmá ku e evento por tuma lugá…

 

Tumando nota ku e kantidat di kontagio ta bahando riba un bon spit, por spera ku lo por organisá e festival den e mesun konsepto ku ‘Tumba Revival’ a tuma lugá…

 

Ma komprondé ku ta pensando ketu bai den e ‘Revival di Kantadó Mayó’, pero ta e oké mester haña ku ta kubri e gastunan i pa Gobièrnu duna outorisashon pa ensayonan por kuminsá…

 

Ta presisamente siman pasá nos a toka e tema di eventonan kultural ku mester sigui pa fomentá e patriotismo i traha riba e ‘Nation Building’…

 

Great pa tuma nota kon Kenneth Doran no a pensa ni dos biaha pa el a komponé un kansion pa tres hóben interpretá…

 

E aporte di nos músikonan ta masha importante pa desaroyo di e hóbennan ku ta na kaminda…

 

Nos ta premirá ku pa e siman aki mes e kantidat di kasonan lo baha ku lo mester suavisá e medidanan, pero e gran pregunta lo ta te na unda ta suavisá? …

 

Na Aruba kaminda e medidanan no ta dje severo ei mes, músikonan tin reklamo ketu bai ku no ta dunando nan oportunidat pa presentá…

 

Aki nos a tende kaba di algun konsepto ku lo ke implementá usando e karchi di vakuna komo e aseptashon pa entrada di evento…

 

Te hasta a pensa ku bo tin ku keda ku bo pareha durante henter e anochi pa evitá kualke posibilidat di kontagio…

 

Loke mester tin ta pasenshi pa por warda trankil, mi ta komprondé ku hopi hende ta konfrontando problema finansiero pa nan por sobrebibí tanten ta den ‘lockdown’…

 

Tin algun proyekto ku ta pendiente pa tuma lugá na Kòrsou ku si tur kos sigui kana bon, nan lo ta sigur un balor agregá no solamente pa turismo pero tambe pa e pueblo di Kòrsou…

 

Mas oportunidat pa trabou…

 

Den e siman aki ta pendiente pa dos artista mas lansa nan produkshon musikal…

 

Nos tei move, un siman nobo ku perspektivanan nobo pa nos tur, ban move pa hiba nos Pais dilanti…

 

Bon siman!…

LAGA UN KOMENTARIO

Please enter your comment!
Please enter your name here