WILLEMSTAD.- Ayera nochi nos parada di ensayo a start. ‘Louie Louie’ a subi kaya e nos promé bishita tabata na e sitio di ensayo di ONE Flavaz. E banda ayera a repasá tres di su tumbanan i ta pendiente pa yegada di nan sekshon di brass for di Venezuela. Riba potrètnan nos por tuma nota ora ku Adjatay, Michelangelo Martina i Furgell Wijngaarden tabata pasando nan tumba huntu ku Randal Corsen. ONE Flavaz ta partisipá na Festival di Tumba ku un total di 5 tumba. Ishahier Monte i Dibo D ta e dosnan ku nos no a topa ayera na ensayo.
